Anglisht me Efikasitet – Ja Si!
Në aplikacionin English for Life përdoren tre metoda kryesore dhe shumë efikase për mësimin e gjuhës angleze:
1. Mësimi përmes videove të ilustruara me titra dhe ushtrime të ndërveprueshme
Secili mësim nis me një video ku dialogët shoqërohen me titra në gjuhën angleze dhe shqipe. Pas çdo pjese të videos, procesi ndalet për t’u bërë pyetje nxënësve, duke i përfshirë në mënyrë aktive në përvetësimin e përmbajtjes. Më pas vijojnë ushtrimet me plotësim të hapsirave (fill-in-the-gaps), shqiptimi i fjalëve, ndërtimi i vokabularit, dhe sqarime të detajuara të strukturave gramatikore. Kjo qasje u ndihmon nxënësve të kuptojnë më mirë përdorimin natyral të gjuhës dhe të forcojnë të katër aftësitë gjuhësore.
2. Mësimi përmes ushtrimeve mbi fjalorin dhe përdorimin e tij në kontekst
Videoja dhe ushtrimet e lidhura me të ilustrojnë se si nxënësit mund të përvetësojnë fjalë të reja duke u angazhuar drejtpërdrejt me to në kontekste reale dhe përmes vetëkorrigjimit. Gabimet shihen si pjesë natyrale e procesit të të nxënit, dhe përmes tyre nxënësit kuptojnë më mirë kuptimin dhe përdorimin e saktë të fjalëve.
3. Mësimi përmes fotove – një qasje audio-vizuale
Një nga mënyrat më të lehta dhe më të dashura nga nxënësit është mësimi i fjalëve përmes fotove. Kjo metodë ndërthur elementin vizual me njohjen gjuhësore: nxënësit duhet të tërheqin dhe vendosin fjalët në vendin përkatës në foto (drag and drop onto image). Kështu, lidhin fjalët me objekte dhe situata konkrete, gjë që ndihmon në memorimin afatgjatë.
Vlen të theksohet:
Të gjitha këto metoda shoqërohen me audio incizime me cilësi të lartë, pa zhurma të padëshiruara, që e bëjnë zërin e profesorit të qartë dhe të lehtë për t’u kuptuar. Kjo i ndihmon nxënësit të përvetësojnë shqiptimin korrekt dhe intonacionin natyral të gjuhës.
